Stundum opna ég gleraugnaboxið þegar ég mæti í vinnuna og finn þar glaðning frá Albert
Þetta eru semsagt tvö spil úr Sleeping Queens, en þegar ég keypti spilið (hæ Spilavinir!) hafði ég smá áhyggjur af að Albert myndi eiga erfitt með það því hann er bara fimm ára (það er merkt fyrir 8+).
Það reyndust óþarfa áhyggjur
Tveimur vikum seinna er hann ekki bara orðinn betri en ég, heldur er hann búinn að búa til sína eigin útgáfu (Reaping Queens) sem hann spilar einn (víða um stofuna, með sveigjanlegum reglum sem nærstaddir fá reglulega að heyra um, og eru einhvernveginn aldrei eins) þegar allir nema hann eru búnir að fá nóg.