[eins og alþjóð veit liggur siggimus, svo það er kannski ekki alveg til siðs að sparka í kviðinn hans, en það hefir engu að síður átt sér stað]
kafli 1: bakgrunnur: [byggð upp samúð með siggamus]
fyrir þá sem ekki hafa lesið sl. glefsu, ellegar hafa til þess gjört heiðarlega tilraun en ekki borðað árangur sem erfiði, má á því impra að siggimus liggur rúmfastur og helsærður heima við og kemst kvergi né spönn frá bossa, og er alls endis bjargarlaus og getur fáa björg sér veitt og á svaka bágt [suk, støn/av, siggimusens arme knæ!] og er mús liggjandi.
2. kafli: ekki spark [samúðin mjólkuð enn frekar rétt áður en kemur að sparki]
en einmitt þess vegna er spark þetta svo óforskammað. aðeins mestu illfygli og skepnur sparka í liggjandi menn og mýs.
3. kafli: nema kvað? [platspark, til að gefa perspektíf]
þeir sem halda að siggimus ætli að kvarta yfir ríkissjónvarpi allra landsmanna, t.d. myndinni “hvers konar móðir ertu?” skjöplast illilega á svellinu því. ríkissjónvarpið hefur iðulega bombarderað siggamus með skemmdari tómötum en þessum.
4. kafli: spark [loksins komið að sjálfu sparkinu]
þannig er nebbla mál með vesti að siggimus verður var við óboðinn gest á föstudagsmorgun er hann vaknar. nei, aldrei þessu vant var þar ekki um að ræða kisu, heldur öllu minni og erfiðariviðaðlosna gest. siggimus rak augun í hann valgarð þar sem hann fékk sér heilsubótargöngu á ýpsíloni. ýpsílon þetta býr á lyklaborðssnúru valiss, og hefur að öllum líkindum lengi gert, þó siggimus hafi ekki í það glyrnurnar rekið fyrr en íþróttaiðkun litla fótmarga kumpánans á því dró að því athygli. lýkur nú ýpsílons hlutverki í glefsu þessarri og kemur ekki frekar við sögu.
hananú! er það þvílíkt og annað eins spark sem af er látið að fá einn pínuponsulítinn og hressan valgarð á ýpsílon? kann einhver að spyrja? var siggimusin ekki bara feginn að fá smá kompaní og selskap í miðjuna á eymd sinni? nei, etjevaff ekki og jú, kannski, en bara upp að vissu marki. sosum hefði siggimus mátt fyrirgefa valgarði litla þessa litlu yfirsjón og hleypa honum út um dyrnar, og segja kútnum til vegar til nágranna vors, kristjáns í næsta húsi. en kúin sem át síðasta stráið og tók tappann úr baðinu og slökkti á snúsinu var: valli var með vini sína með sér. tsk tsk.
verður reyndar að viðurkennast að siggimus öfundar litla pjakk af öllum vinunum sínum. þyrfti feitan fílófax til að innbyrða öll þau símanúmer, hvað þá emila með.
5. kafli: útkast
rís siggimus upp við dogg(3. fyrst hann heyrnartólið tekur (hristir og blæs á) og ber það upp að eyra. hringir svo í númer og biður um aðstoð. borðar smá parkódín í morgunmat. sest svo við og semur af-boðsbréf til allra boðflenna í slotinu. “veriði úti! fariði til kristjáns í næsta húsi! þið eruð ekki velkomnir! ú á ykkur!”
sest við og lesin glefsa um eymd og volæði og parkódín. hallelúja. setið uppi í rúmi, með lyklaborð valiss (hrist og rækilega af blásið) í fangi, og reglulega selbitað á lyklaborðssnúru valiss til að hrista allra duglegustu íþróttagarpana af og emil skrifar, öðrum svarar og þriðja ekki.
skrifað að starvors valdi vonbrigðum. aftur.
brutt parkódín.
horft á starvors eitt. ‘mei te fors bí víþjú!’ híhí! ‘jús ðö fors, lúk, jús ðö fors!’ jibbíjei!
6. kafli: hvar er valli?
farið í skemmtilegan leik uppi í rúmi. siggimus orðinn svaka flínkur að selbita.
7. kafli: loksins!
um kvöldmatarleytið kemur bjargvættur með byssubelti og úða í brúsa og segir öllum hinum vinunum hans valla að hypja sig í heimsókn til kristjáns. þeir hlýða með semingi.
8. kafli: mánudagur
siggimus hefur þreytt (þráð?) þorrann sem víkingur einn, og sér loks fram á sigur: valli og félagar týna óðum tölunni hröðum skrefum, en siggimus ekki.
efreka! hnussaði í siggamusi í dag. hafði hann þá niður á það mikla snjallræði dottið að kasta kindum, bæði eftirlegu sem og yfir móðuna miklu horfnu, út með aðstoð reinbós. heimsending að mér skilst þegar ordruð.
9. kafli: uppgjör/niðurlag
var heimsókn valla og félaga af hinu góða ellegar af hinu ílla? af hinu góða: siggimus eignaðist vini og fékk selskap í einsemd sinni. af hinu illa: lítt merkilegur pappír af selskap, og í þokkabót hérumbil allir steindauðir núna. af hinu góða: siggimus hefir eitthvað annað fyrir stafni haft í sjúkindum sínum en að góná starvors. af hinu illa: frekar einhæft sport til lengdar að spila hvar er valli? uppi í rúmi. af hinu góða: siggimus fékk materíal í glefsu að skrifa. af hinu illa: siggimus fékk materíal í glefsu að skrifa.
—
w/deepsowlove&inflation,
-siggimus/valis/valgarð/hr.parkódín
http://vu2057.freddie.1984.is/siggimusteste.to
pjes: akkuru skrifar siggimusin næstum bara glefsu þegar hann er veikur eða þunnur? nei, siggimus bara spyr?
3) kver í skollanum er doggur?!?
*og það var laukrétt! þú hefur unnið þér inn krullujárn! valli var einmitt roðamaur áður en hann mætti skapara sínum á miðri leið
Leave a Reply