kafli 1: mögulega feigur
verandi mögulega feigur var í kveðjuskyni á lilliput haldið, og vondur bjór fyrir krónu drukkinn. gekk að vísu brösuglega að fá vertínur til að þiggja siggamusar innlenda og í sveita síns andlitis fyrir unna aur á meðan erlendir gestir urðu fyrir illindum og voru margfaldan kostnað látnir greiða. voru að því brögð að fólk sem ekki var fullfært á íslenska tungu fengi ekki býttipening af heilum fimmkrónupening, er látinn var af hendi fyrir bjór. mikla lukku vakti þó sá vertína siður í bolum skreyttum sauðfénaði að ganga, og fáu öðru undir. vakti næstum uppklapp er lekkerust framhjá gekk og í rump svo gott sem fékkst klipið. klípist betur næst.
að 10 krónum gengnum, er klukkan sagði einn og tveir tugir, var áleiðis í leit að tónleika haldið. reyndist þessu sinni farið í ullarhús geitar að leita, og enga mússík að finna. þá var snimmhendis á það ráð brugðið að létta á blöðrum og öðrum kútum á grand.
eftir að létt hafði verið á blöðrum nokkrum sinnum, og mútur pólítíkusa með þökkum þegnar, þó fullseint í rass hafi verið gripnar, var heim á leið haldið, með gleðiklekk í brjósti. siggamusi efst í huga þakklæti á þessarri stundu. þakklæti til handa þeim sem siggamus dyggilega hafa stutt í baráttunni við óvætti þessa heims. það er ekki lítið að eiga mögulega í vændum að yfirgefa plánetu þessa, og hver veit hvort siggimus sér yður að nýju? þeim sem vildu minnast hans er bent á að sýna hug sinn í verki með því að berjast skeleggt gegn óréttlæti í heiminum.
kafli 2: síðustu stundirnar (með móralnum: maður íhuga afleiðingar gjörða þinna!)
er vaknaðist, tók siggimus að iðrast gjörða sinna.
hvarflaði að siggamusi að 310 krónupeninga virði af færeyskum og vondum bjór hefði ekki verið ýkja gáfulegt sem síðasti biti fyrir föstu. þorsti sem gerði við sig vart, mátti bíða, því á miða við innganginn siggamusar stóð: “siggimus ekki borða mat eða drekka drykk!” siggimus hleit eigin hollráði, en bölvaði hástöfum færeysku bruggi.
vindasamt reyndist í nágrenni siggamusar þennan morgun, og siggimus sagði við siggamus: “aðgát skal höfð í nærveru sálar!” ekki skal anað í blindni út í neyslu brauðs sem heitir san francisco, eða ef út í það er farið, brauð sem nefnd eru eftir nokkru öðru svæði sem einna helst eru þekkt fyrir jarðskjálftavirkni, fyrr en eftir vandlega skoðun á dagskrá næstu daga.
að endingu var til almenningsbaða haldið, með hrein nærhöld. ef siggamus hefur lært eitthvað af mömmu siggamusar, þá er það að siggimus á að mæta skapara sínum í hreinum naríum.
kafli 3: aðgerðin (e. the operation)
biðin var ekki lengri en lög gera far ráð fyrir, en ofan af siggamusi haft með spéi 2ja stk. ungabarna, og nærveru fyrrum kringlukastara er ku hafa verið krýndur 52. sterkasti maður heims í einn gang, og það með viðhöfn.
“farðu úr þessu, og í þetta.” siggimus hlýddi spakur, og fékk leyfi til að brúka einsmannsklefann. “leggstu hérna … geymdu hausinn hér … þú finnur smá sting…” sagði svæfingalæknirinn. læknirinn sagði: “hvað heitir þú aftur? … já, var það ekki olnboginn? … nú já, hvort hnéð segirðu…?” augnabliki síðar mælir siggimus “er þetta búið??? þetta tók skjótt af! … hananú! er ég lifandi enn?” “já” “herra minn trúr! & hamingjan sanna! guðum séu lof og dýrð í upphæðum.”
biðið í tvo tíma eftir að sybbni hætti að gera vart við sig. kreperað. kvartað við hjúkku þar til læknir lætur að endingu sjá sig. “kom aftur eftir viku. sjáum til þá.” “?” “Ef umbúðirnar losna skal siggimus setja þær á sinn stað aftur … plástrarnir þurfa líka að fá að vera. saumarnir eru nefnilega undir þeim … far rólega í tvo daga. þá má siggimus byrja að beygja hnéð aðeins, þangaðtil skal siggimus ganga svona…”
kafli 4: hrmpf!
það var búið að segja siggamus að hann myndi ganga út. það var búið að segja siggamus að þetta tæki nokkra klukkutíma.
það talaði enginn neitt um haltr.
það minntist enginn á þröngan stiga með 48 þrepum.
það impraði enginn á parkódíni eða beygja hné eftir tvo daga, og sjáum svo til eftir viku.
það var ekkert gefið í skyn varðandi það að klæða fætur siggamusar í ellegar úr sokkum og buxum.
það var ekki svo mikið sem ýjað að því að baðferðir gætu orðið vandamál í viku.
kafli 5: á heimavígstöðvum
með aðstoð parkódíns og hollívúddskrar afþreyingar hafa nú tveir dagar þraukast. nú gengur í garð föstudagur, hverjum fylgir helgi. sjónvarp allra landsmanna stendur sig með alkunnum sóma þessa helgina sem endranær. guði sé lof og dýrð í upphæð fyrir parkódín. amen.
pjes: leitt að þurfa að vera musin með vondu fréttirnar, en starvors ku víst valda vonbrigðum…
— w/creepsofdove&infection,
-siggimus/valis/parkódín
http://vu2057.freddie.1984.is/siggimusteste.to
ps: eventuelle høns i øregangen bedes flytte sig lidt til venstre
Leave a Reply