Í leikskólanum er búið að hengja upp voða fín plaköt með myndum af krökkunum. Hvert barn með sína mynd, og þau halda á litlu spjaldi sem á er búið að skrifa hvað þau vilja verða þegar þau verða stór. Sumir vilja verða löggur, aðrir læknar, ein búðakona og einn spiderman.
Sandra vildi verða söngkona, en þegar ég spurði hana sagðist hún ekki vita hvaða lag hún ætlaði að syngja.
Best af öllu voru samt strákurinn sem vill verða kisa og stelpan sem vill verða sjúkrabíll.