Tag: travel

  • Á bar á Islandijos götu í Vilnius og hvern finn ég annan en gamlan dóna og durt

  • Fyndið að fatta á leiðinni út af veitingahúsi í Vilnius að þú hafir verið þar áður — tuttugu árum áður

  • Óvæntur bónus við djamm og útstáelsi fram á rauða nótt: Skrefateljarinn byrjar daginn í tvö þúsund skrefum

  • Mamma: „Segðu bless við pabba, hann er að fara í nokkra daga“

    Albert: „Ert þú fara þuvél?“

    Pabbi: „Já“

    A: *Setur upp skeifu, hvíslar að mömmu*: „Pabbi segir já“

    A: *horfir mjög ákveðinn á pabba*: „Ég segi nei!“

  • Minning

    Daginn sem ég varð tuttugu og níu ára fór ég á ærlegt fyllerí með félögum mínum í R?ga, þar sem ég bjó. Þetta var rosalegt kvöld. Ég man óljóst eftir að sitja á írskum bar og hreyta óbótaskömmum í gengilbeinu sem sagði að fólk væri að kvarta yfir lyktinni af harðfisknum.

    Daginn eftir rumskaði ég við það að uppblásna dýnan sem ég var með í láni var farin að blása á hálsinn á mér. Mjög rólega seig ég nær gólfinu.

    Ég var svo ógeðslega þunnur að ég lá stynjandi á steingólfinu í einhverja klukkutíma áður en ég nennti að standa upp

    Á endanum fór ég í niður í gamla bæinn í R?ga og ráfaði um eirðarlaus. Kíkti loksins í vinnuna. Ég vann sem prófarkalesari hjá blaði sem var gefið út vikulega. Þetta voru nokkrir klukkutímar á viku. Yfirmaðurinn tók mig afsíðis.

    Henni fannst ekki nógu gott að vera með íslending í að prófarkalesa ensku – “a non-native English speaker”. Ég var of þunnur til að þræta við hana.
    Á leiðinni fram kynnti hún mig fyrir manninum sem var búinn að taka við af mér: Gvido, síleskur gaur af lettneskum ættum.

    Ég rakti raunir mínar fyrir (fyrrum) vinnufélögunum. Við urðum fljótt sammála um að aðeins eitt væri til ráða: Barinn.

    Þetta kvöld var síst minna drukkið en fyrra kvöldið. Ég man ekki mjög mikið eftir þessu kvöldi, nema að þó ég hafi verið nánast rænulaus af drykkju mun ég aldrei aldrei aldrei aldrei gleyma örvæntingunni sem greip mig þegar ég kom heim og sá helvítis dýnuna loftlausa á gólfinu

  • Reykjadalur

    Sund í tilefni 10 ára brúðkaupsafmælis

  • *dring dring!*

    Ég, að svæfa soninn í sumarfríi í útlöndum: „Siggi“

    S: „Sigurður, hvernig hitti ég á þig?“ É: „Fyrirgefðu, hver ert þú?“

    S: „Satan heiti ég, og hringi frá Afkomu, tryggingamiðlun. Mig langar að ræða við þig um…“

    É: „Nei, takk“

    *dud dud dud*

  • Feðgar sækja vatn

  • Bíltúr með opis (afa). Albert og pabbi sitja afturí

    Albert leikur sér með bíl, pabbi skoðar Facebook í símanum

    Albert: *réttir pabba bílinn* „Nú pabbi leika bíl og ég skoða Júpút“