Tag: reading

  • Poor Things

    Poor Things

    Poor Things e. Alasdair Gray
    Poor Things e. Alasdair Gray

    Í tilefni þess að bíómyndin eftir bókinni er að koma í bíó ákvað ég að lesa hana aftur, 30 árum síðar.

    Og namminamm! Þetta er ennþá ein uppáhalds bókin mín. Höfundurinn leikur sér að okkur og manni líður endalaust eins og verið sé að hafa mann að fífli. Saga inni í sögu, hver saga fyrir sig sögð af óáreiðanlegum sögumanni. Sögumenn vita að þeir eru að segja frá ótrúlegum hlutum og reyna að verja sig fyrirfram gegn ásökunum um bull. Og sögumenn reyna líka meðvitað að grafa undan hverjum öðrum og gera lítið úr hinum. Mjög mörgum atburðum er lýst tvisvar, og yfirleitt er mikill munur milli frásagnanna.

    Frankenstein býr til skrýmsli, en er skrýmslið Guð og Guð býr til skrýmsli og það skrýmsli verður að fyrirmyndarmanneskju.

  • Stúfur gafst upp

    Þegar Albert var búinn að lesa í gærkvöldi fletti hann nokkrar blaðsíður til baka í bókinni og las aftur

    „Stúfur gafst upp“!

    Hann leit á mig: „Í skólanum eru þau að kenna okkur að gefast ekki upp!“

    Í morgun tók hann bókina með til að sýna kennaranum

  • Að telja

    Albert les fyrir pabba Einn tveir og Kormákur.

    Kormákur getur ekki talið suma hluti, því þeir eru óteljandi og hann kann ekki allar tölurnar

    Albert: „Ég get talið allt! Ég bý bara til tölurnar!“

  • Fátt lýsir mér betur en það að lesa ekki bók í heilt ár, en klára svo 2 á 3 dögum

  • Albert les: „… þau veltu fyrir sér kringum…“

    Pabbi leiðréttir: „Hvernig!“

    A: *lítur skilningsvana á pabba … teiknar hring í loftinu með fingrinum*

    P: „Nei! …í bókinni!“ *bendir* „Það stendur Hvernig í bókinni!“

  • Pabbi: „Ertu að lesa þessa bók? Er hún skemmtileg?“

    Telma: „Já, mjög skemmtileg!“

    P: „Um hvað er hún?“

    P, 25 mínútum síðar:

  • Sonur minn, rétt rúmlega fjögurra ára var að lesa bók!!

    Næst á dagskrá: Kenna honum annað orð

  • Léttmeti

    Ég: Jæja, ég er ekki búinn að lesa bók í 700 ár, kannski er best að byrja á einhverju léttmeti

    Líka ég:

  • Spurningar og svör

    Börnin fundu þennan kostagrip einhversstaðar í morgun

    Sýnishorn:


    Telma: „Hvaða íslenskur fugl var verðmæt útflutningsvara fyrr á öldum?“

    Pabbi: „Ööööö … geirfuglinn..?“

    T: „Þar sem er þurrt og heitt“


    Telma: „Hvaða sjúkdómur herjaði mjög á sjómenn fyrri tíma vegna skorts á nýmeti?“

    Pabbi: „Skyrbjúgur“

    T: „Það er rétt!“

    P: „Þú færð skyrbjúg ef þú færð ekki nóg c-vítamín“

    T: „Þá þarftu bjúgu og skyr!“

  • Kardemommubær

    Hugleiðingar miðaldra manns sem les Kardemommubæinn fyrir börnin sín, áratugum eftir að hafa séð verkið sjálfur:

    • Það er miklu meira um Tobías en mig minnti
    • Soffía frænka stoppar mjög stutt hjá ræningjunum
    • Allir heita eitthvað, nema bakarinn, pylsugerðarmaðurinn og kona Bastíans bæjarfógeta

    Slæmu fréttirnar: Ég er kominn með Hvar er húfan mín á heilann, og ég kann ekki textann

    PS: Hvernig í ósköpunum á að vera hægt að syngja „seglgarnsspottana“??

    en þessar myndir…


  • Páll Vilhjálmsson

    Veit einhver hvað Páll Vilhjálmsson á mörg börn..?

    … af því …

    wait for it…

    wait for it…

    hann er skilgetinn faðir pabbabrandaranna *barúmmtiss*

  • Ekki að ég ætli að mæla bókabrennum bót, en verði ein svoleiðis haldin í næsta nágrenni og á hentugum tíma er ekki útilokað að ég muni mæta með eldspýtur í vasanum og þessa hörmung