siggimus

Tag: life

  • Traust

    Ég verð að segja að mér finnst það nú ekki mjög traustvekjandi að sjá auglýsingu fyrir heita potta og það er enginn sem segir bæng!

  • Vigdís

    Ég á enga mynd af mér með Vigdísi, en þegar Ólafur Ragnar kom í opinbera heimsókn í Gerðuberg var litli frændi minn þar og reyndi að betla af honum pening fyrir nammi

  • Það verður að viðurkennast að mér gengur hreint bölvanlega að muna að Svasíland heitir núna Esvatíní og Svaslendingar Esvatínímenn

  • Minning

    Tvít þar sem stendur: "The one-spacers have won. Microsoft Word now showing 2 spaces after a period as an error."
    “The one-spacers have won. Microsoft Word now showing 2 spaces after a period as an error.”

    Nýbyrjaður í markaðsdeild fyrirtækis. Fékk bréf frá frkvstj. til yfirlestrar. Lagaði innsláttarvillur — og tvö bil eftir punkta — sendi til baka. Eftir tvær mínútur hringir borðsíminn eins og erindið sé áríðandi.

    Frkvstj, hvass: „Við skulum hafa það á hreinu góði minn að ég er yfir-prófarkalesari fyrirtækisins !“ „Svona eru bara reglurnar !“ bætti hann við, „Það eiga að vera tvö bil á eftir punkti !“

    Skömmu seinna sagðist hann vilja hafa bil fyrir framan spurninga- og upphrópunarmerki: „Mér finnst það fallegra þannig.“ Bætti svo við: „Spurninga- og upphrópunarmerkið er auðvitað ekki bara fyrir síðasta orðið í setningunni, heldur alla setninguna !?!“

    Hann kunni ekki að meta durg, svo ég spurði aldrei hvort punktar og kommur væru „bara fyrir síðasta orðið í setningunni.“

    Óforbetranlegur besserwisser. Sem þýðir að þessa dagana situr hann, skrifar lesendabréf í Moggann og þrætir við tölvuna: „Heyrðu góða ! ÉG er yfir-prófarkalesari á þessu heimili ! Þú segir mér ekki fyrir verkum !“

  • Merktur

    Siggi mús (merktur)
    Siggi mús (merktur)

    Börnunum fannst ástæða til að merkja gamla

    Ástkær eiginkonan: „Hérna, þú hefur yngst um tíu ár…“

    Ég: *skoða* „Ööööö, síðan hvenær er kveikt á þessum bjútífílter“ *roðna oní rass*

    Öll fjölskyldan: *dansar um og syngur hástöfum*: „PABBI VAR MEÐ BJÚTÍFÍLTER!! PABBI VAR MEÐ BJÚTÍFÍLTER!!“

  • Páskaegg

    Frændi minn faldi einu sinni páskaegg fyrir kærustuna áður en hann fór í vinnuna. Hún leitaði, en fann ekki eggið áður en hún þurfti að fara í vinnuna.

    Fann eggið loksins seinnipartinn.

    Í gasgrilli á yfirbyggðum svölum sem sneru í hásuður í glampandi sól

  • Hryllings-örsaga

    Heilbrigður og saklaus maður fer í búð, en þar sem hann stendur með fulla kerru af eintómum nauðsynjum – röðin alveg að koma að honum! – svelgist honum á, fær langt hóstakast og er tættur í sundur af örvingluðum múg. Endir

  • Snjór

    Kannski ég verði bara heima í dag…

    Skafl fyrir utan dyrnar
    Snjóskafl

  • Skemmtilegur dagur?

    Heimakennari: „Jæja ástin mín, látum okkur sjá! Verkefni dagsins er … að skrifa um skemmtilegan dag!“

    Barn: ?„Ég skil ekki..? Hvað er það?“

  • Fór í gallabuxur og sokka til að fara í búð fyrir pabba gamla.

    Sokka! Leið eins og ég ætti að gifta mig

  • Nóg til af þurrgeri í Krónunni svo ég tók nokkur bréf til öryggis.

    Ég: *bíbba eitt bréf, hendi á pokasvæði*

    Sjálfsafgreiðslukassi:

    Ég:

    Sak:

    Ég:

    Sak:

    Ég:

    Sak:

    Ég: *tek þurrger af pokasvæði, hendi með látum á pokasvæði*

    Sak: „Skannaðu strikamerki eða leitaðu að vöru“

  • Úps

    „Úps pabbi!“