siggimus

Tag: börnin

  • Noregur

    Á kvöldgöngu með Húgó stoppaði Albert, benti á þennan poll og sagði að hann liti út eins og Noregur

  • Tékk

    Bara aðeins að tékka á Telmu

  • Púpí

    Albert, á leiðinni á klósettið: „Púpí, jú hef tú gó intú ðe ósjen tú mít the sjarks“

    1 mínúta…

    *skaðræðisöskur* „Nóóóóó! Æ dón’t want tú gó in ðe ósjen!!“

  • Hvernig veit

    Albert: „Hvernig veit æpaddinn hvort hann snýr svona eða svona?“ *veltir spjaldtölvunni*

    Pabbi: „Góð spurning! Hvernig veist þú það?“

    A: „Ég er með heila!“

    P: „Ég held það sé eitthvað tæki inni í spjaldtölvunni sem…“

    A: „Pabbi, þú þarft ekki að útskýra það sko “

  • Djók

    Síminn hringir

    Albert: „Pabbi, ég bjó til djók. Það er á ensku. Þú verður að svara á ensku“

    Pabbi: „Ok“

    A: „What’s heavier, a shoe or a feather?“

    P: „A shoe“

    A: „Bless you!“

  • Bágt

    Albert: *grettir sig og bendir á ristina* „Mig svíður“

    Pabbi: *kyssir á bágtið*

    A: „Æi, hættu! Þetta gerir ekkert!“

  • Leit

    Sandra var mjög leið þegar hún kom niður í morgun.

    Sagði að hún hefði sofnað með airpods í eyrunum og svo þegar hún vaknaði fann hún bara annað þeirra.

    Hún var búin að leita út um allt — taka sængina úr sængurverinu og færa rúmið frá veggnum en fann ekkert.

    Ég fór upp til að hjálpa. Við færðum rúmið langt fram á gólf, tókum koddann úr koddaverinu, tókum dýnuna af, tókum lakið af dýnunni — hristum allt. Við ryksuguðum meira að segja. Mjög varlega

    Sandra fór meira að segja út og leitaði á pallinum undir glugganum.

    Við gáfumst upp og tókum pásu.

    Tveimur klukkutímum seinna situr hún og skrifar ritgerð, hallar sér aftur í stólnum, það kemur gretta á hana. Hún setur höndina aftur fyrir bak og verður eins og kleina í framan.

    AIRPODSINN VAR INNI Í TOPPNUM ALLAN TÍMANN!!

  • Gæsahúð

    Pabbi: *annars hugar*

    Sandra: „Það er svo oft sem ég fæ gæsahúð í augun!“

    P: …

    P. „Nei!!?“

  • Óvart

    Óvart

    Fór út með Húgó í morgun í hífandi rok og fimbulkulda. Kom inn kaldur og hrakinn.

    Á móti mér tók niðurlútur Albert: „Fyrirgefðu en þetta var óvart“

    Pabbi: „Óvart? Hvað var óvart?“

    A, mjög leiður: „Við eyðilögðum sjónvarpið“

    P: *byrjar að reikna hvenær við gætum haft efni á nýju sjónvarpi, fokk nei ég trúi þessu ekki, jæja þá verðum við bara sjónvarpslaus í einhvern tíma til að kenna þessum krakkaskröttum lexíu, nei, andskotinn hafi það, það hlýtur að vera hægt að laga þetta! Bítur í varirnar til að segja ekkert sem hann sér eftir*

    A: *leiðir pabba inn í stofu*

    Ónýtt sjónvarp
    Ónýtt sjónvarp

    P: *fokk, það er engin leið að laga þetta, sjónvarpið er ónýtt*

    P, beitir öllum sínum kröftum í að tala rólega: „Hvað … hvernig í … ósköpunum gerðist þetta eiginlega?“

    A: „FYRSTI APRÍL!“ *slekkur á youtube myndbandinu sem sýndi sprunginn skjá*

  • Á skíðum

    Albert á skíðum - listaverk eftir Albert
    Albert á skíðum

    Albert á skíðum

  • Kalt

    Við Albert fylgdum Söndru í Kaplakrika þar sem hún var að spila á móti FH í Skessunni. Þetta var vissulega innanhúss, en það var kaldara inni en fyrir utan. Mér hefur bókstaflega aldrei verið svona kalt. Ég hef farið í sjósund í -1,9°C en mér varð ekki svona kalt.

    Í hálfleik spurði Albert hvort hann mætti fara úr kuldagallanum, hann væri að kafna úr hita

  • 2023 endar vel

    2023 endar vel

    Albert: „Pabbi, viltu verða ríkur?“

    Miði á fartölvunni: „Lyftu tölvuni upp“
    „Lyftu tölvuni upp“
    Miði undir fartölvunni: „Þú mátt eiga þetta. Frá Alberti“
    „Þú mátt eiga þetta. Frá Alberti“
    Það sem ég má eiga
    Það sem ég má eiga