Autocorrect alltaf hjálplegt

stuff that’s rehashed from social media
Autocorrect alltaf hjálplegt
Síminn hringir
Albert: „Pabbi, ég bjó til djók. Það er á ensku. Þú verður að svara á ensku“
Pabbi: „Ok“
A: „What’s heavier, a shoe or a feather?“
P: „A shoe“
A: „Bless you!“
Albert: *grettir sig og bendir á ristina* „Mig svíður“
Pabbi: *kyssir á bágtið*
A: „Æi, hættu! Þetta gerir ekkert!“
Í kvöld hlaut Sandra rokklega fermingu
James, Kirk, Lars og Robert þjónuðu fyrir altari
Ég ætlaði að kjósa með hjartanu en þau sögðu að ég yrði að nota blýant
Hjálpa Söndru að æfa sig og undirbúa og taka svo upp lestur á barnaljóð … á dönsku: 1 klukkutími
Hjálpa Söndru að koma fokkings hljóðfælnum með ljóðaupplestrinum af fokkings símanum og inn á fokkings Chromebook tölvuna: 2 klukkutímar
Sandra var mjög leið þegar hún kom niður í morgun.
Sagði að hún hefði sofnað með airpods í eyrunum og svo þegar hún vaknaði fann hún bara annað þeirra.
Hún var búin að leita út um allt — taka sængina úr sængurverinu og færa rúmið frá veggnum en fann ekkert.
Ég fór upp til að hjálpa. Við færðum rúmið langt fram á gólf, tókum koddann úr koddaverinu, tókum dýnuna af, tókum lakið af dýnunni — hristum allt. Við ryksuguðum meira að segja. Mjög varlega
Sandra fór meira að segja út og leitaði á pallinum undir glugganum.
Við gáfumst upp og tókum pásu.
Tveimur klukkutímum seinna situr hún og skrifar ritgerð, hallar sér aftur í stólnum, það kemur gretta á hana. Hún setur höndina aftur fyrir bak og verður eins og kleina í framan.
AIRPODSINN VAR INNI Í TOPPNUM ALLAN TÍMANN!!
Pabbi: *annars hugar*
Sandra: „Það er svo oft sem ég fæ gæsahúð í augun!“
P: …
P. „Nei!!?“
Hvernig í hártogandi andskotanum gat ég gleymt Built to Spill?
Eðlilegt fólk: Tásur á Tene
Ég: Bomsur í Berlín
Döner on the beach
Fór út með Húgó í morgun í hífandi rok og fimbulkulda. Kom inn kaldur og hrakinn.
Á móti mér tók niðurlútur Albert: „Fyrirgefðu en þetta var óvart“
Pabbi: „Óvart? Hvað var óvart?“
A, mjög leiður: „Við eyðilögðum sjónvarpið“
P: *byrjar að reikna hvenær við gætum haft efni á nýju sjónvarpi, fokk nei ég trúi þessu ekki, jæja þá verðum við bara sjónvarpslaus í einhvern tíma til að kenna þessum krakkaskröttum lexíu, nei, andskotinn hafi það, það hlýtur að vera hægt að laga þetta! Bítur í varirnar til að segja ekkert sem hann sér eftir*
A: *leiðir pabba inn í stofu*
P: *fokk, það er engin leið að laga þetta, sjónvarpið er ónýtt*
P, beitir öllum sínum kröftum í að tala rólega: „Hvað … hvernig í … ósköpunum gerðist þetta eiginlega?“
A: „FYRSTI APRÍL!“ *slekkur á youtube myndbandinu sem sýndi sprunginn skjá*