Category: social

stuff that’s rehashed from social media

  • Tindersticks

    Tindersticks

    Þriðja sinni

    Frábærir eins og alltaf. Mikið af nýju plötunni, svo það er eins gott að hún er góð

    Nancy
    Nancy answer me
    Your silence is worse than anything you might say

    Tindersticks – Nancy
  • Noregur

    Á kvöldgöngu með Húgó stoppaði Albert, benti á þennan poll og sagði að hann liti út eins og Noregur

  • Epli og eikur

    Albert fór í bekkjarafmæli í dag og þegar ég kom að sækja var hann úti í fjósi með bóndanum sem var að sýna honum glænýja mjaltaróbotinn sinn


    Eplið og eikin og allt það

  • Minning – myndir af apótekum

    Sumarið ’99 leigði ég herbergi hjá Stebba vini mínum. Hann var að vinna hjá Norræna félaginu og eitthvert kvöldið spurði hann hvort ég vildi ekki fara til Eystrasaltsins til að taka myndir af apótekum

    Ég væri reyndar orðinn helstil gamall, en hann gæti reddað því

    Það var engin leið að ég gæti hafnað þessu tilboði, svo ég fór í vinnuna og grenjaði út frí í sjö vikur

    Þegar ég var kominn til Riga og mætti í fyrirtækið – útibú alþjóðlegs lyfjafyrirtækis – var mér úthlutað stafrænni myndavél og ungri aðstoðarkonu sem átti að fylgja mér við hvert fótmál og greiða mína götu í hvívetna.

    Við gengum um götur Riga og á sirka 100 metra fresti var apótek. Ég tók myndir fyrir utan og svo fórum við inn. Aðstoðarkona mín kynnti okkur, við værum frá þessu mæta lyfjafyrirtæki og værum hér komin til að taka myndir af apótekinu. Við þetta veðruðust konurnar bak við borðið gjarnan upp. Þær afsökuðu sig, brugðu sér bakvið og penuðu sig aðeins til. Svo komu þær fram aftur og stilltu upp sínu fínasta pósi fyrir þennan ljósmyndara sem hlaut að vera fínn pappír fyrst hann var kominn alla leið frá útlöndum—með túlk!—til þess að taka af þeim myndir.


    Tl;dr: Fór til Lettlands í sjö vikur til að taka myndir af apótekum

    Þetta var því miður fyrir tíma snjallsíma og ég átti ekki stafræna myndavél sjálfur, svo engin á ég jarteikn um þessi ævintýr eða þessi apótek

  • Furðuverk

    Pabbi vinnur heima því Albert er veikur. Ekki mjög veikur, en var mjög óhress í morgun

    Pabbi biður Albert að hafa sig hægan því nú þarf hann að fara á fund: „Ef þú heyrir mig tala ensku, þá er ég ekki að tala við þig!“

    Fundurinn klárast loksins

    Albert: „Er fundurinn núna búinn?“

    P: „Já“

    A: „Þekkirðu lagið – Ég er furðuverk?“

    P: „Öööö, já?“

    A: „Í skólanum um daginn var XXX að syngja þetta lag, en hann söng „Ég er höfuðverk!!“ Það var mjög fyndið!“

  • Hvert fer heiðagæs

    Hvert fer heiðagæs

    í hugræna atferlismeðferð við geðklofa?

    (stundum spjöllum við Albert um allskonar. Við vorum úti að labba með Húgó, og tveir hópar af heiðagæsum flugu yfir. Við veltum fyrir okkur hvert þær gætu verið að fara)

  • Kvöldganga

    Kvöldganga

    Pabbi, Albert og Húgó