Tag: work

Þegar fundur byrjar á Teams en tölvan er eitthvað hæg svo þú prófar að endurræsa Vivaldi vafrann, en það var greinilega ekki vandamálið því það tekur heila eilífð og svo byrjar Vivaldi allt í einu að spila tónlistarvideo úr einum glugganum, nema glugginn birtist ekki enn svo þú getur ekki pásað og nú heyrir þú tónlist og fund og svo byrjar viðtal að spilast í öðrum glugga og nú heyrir þú tónlist og viðtal og fund og það brakar í hausnum þínum en þú getur ekki pásað neitt af þessu af því tölvan er svo hæg

Var smá stressaður svo ég ákvað að standa upp, og hækkaði skrifborðið í fyrsta skipti í marga mánuði. Borðið var enn að lyftast þegar ég opnaði munninn til að segja eitthvað voða merkilegt. Skyndilega slökknaði á netinu, skjánum, heyrnartólunum. Skrifborðið hætti að lyftast.

Skreið í ofboði undir borð til að setja fjöltengið aftur í samband. Stóð upp og fiktaði örvæntingarfullur í öllu í heila eilífð – AF HVERJU VIRKAR FOKKINGS MÚSIN EKKI ENNÞÁ?

Andaði léttar þegar ég heyrði loksins raddir hinna á fundinum, þó það væri úr hátölurum fartölvunnar en ekki heyrnartólunum. Ýtti á unmute, dró djúpt andann og reyndi að muna hvern fjandann ég ætlaði aftur að segja…

Allir: „Bless og takk!!“

Ég: það fattar enginn í vinnunni að ég er með bjór ef ég set hann í kaffibolla!

Líka ég: ööööö

Stundum þegar þreyta og sljóleiki gerir vart við sig síðdegis er ég ekki alveg viss hvort það er vegna loftleysis á skrifstofunni, almenns svefnleysis eða hvort þetta er bara lífsviljinn að fjara hægt út

Í vinnunni geng ég fram á týndan ungan dreng.

Ég: „Ertu týndur? Hvað heitir pabbi þinn?“

Tud: „Pabbi minn!“