Tag: siggimus þjáist

  • Mánudagur

    Mánudagasti mánudagur í mánudaga minni!

    Eftir rúm 11 ár á hinu illræmda Kjalarnesi hef ég loksins náð stórum áfanga í því að verða innfæddur! Ég var einn af þeim fjölmörgu sem fór útaf veginum í morgun og endaði í snjóskafli.

    Ég fór samt ekki útaf á milli Esjumela og Mosfellsbæjar eins og allir hinir. Onei, ég blindaðist í skafrenningi og fór útaf rétt áður en nýja tvöfalda kaflanum lauk, bara til að vera öðruvísi.



    PS: Allt í lagi með mig utan stóra og ljóta skrámu á egóinu.

    PPS: Búinn að sækja lilla, sem er í toppstandi, enda ekki með neitt egó.

  • Hjálp

    Hjálpa Söndru að æfa sig og undirbúa og taka svo upp lestur á barnaljóð … á dönsku: 1 klukkutími

    Hjálpa Söndru að koma fokkings hljóðfælnum með ljóðaupplestrinum af fokkings símanum og inn á fokkings Chromebook tölvuna: 2 klukkutímar

  • Óvart

    Óvart

    Fór út með Húgó í morgun í hífandi rok og fimbulkulda. Kom inn kaldur og hrakinn.

    Á móti mér tók niðurlútur Albert: „Fyrirgefðu en þetta var óvart“

    Pabbi: „Óvart? Hvað var óvart?“

    A, mjög leiður: „Við eyðilögðum sjónvarpið“

    P: *byrjar að reikna hvenær við gætum haft efni á nýju sjónvarpi, fokk nei ég trúi þessu ekki, jæja þá verðum við bara sjónvarpslaus í einhvern tíma til að kenna þessum krakkaskröttum lexíu, nei, andskotinn hafi það, það hlýtur að vera hægt að laga þetta! Bítur í varirnar til að segja ekkert sem hann sér eftir*

    A: *leiðir pabba inn í stofu*

    P: *fokk, það er engin leið að laga þetta, sjónvarpið er ónýtt*

    P, beitir öllum sínum kröftum í að tala rólega: „Hvað … hvernig í … ósköpunum gerðist þetta eiginlega?“

    A: „FYRSTI APRÍL!“ *slekkur á youtube myndbandinu sem sýndi sprunginn skjá*

  • Komdu

    Albert: „Komdu!“

    Pabbi: „En ég er ennþá að borða!“

    A: „Geymdu það!“

    P: „Hvert á ég að koma?“

    A: „Með mér!“

    P: „Ok“

    A: *leiðir pabba upp á efri hæð*

    P: „Og hvað..?“ ?

    A: „FYRSTI APRÍL!!!“ ??

  • Stysti göngutúr með hund í heimi, vorum úti í tæpa sex og hálfa mínútu.

    Samt nógu lengi til að blotna í gegnum regnbuxurnar

  • Klukkan

    Þegar þú ert búinn að gera hafragraut og klæða þig til að fara út með hundinn þegar konan þín kemur hálfsofandi og bendir þér á að klukkan er sex en ekki sjö…

  • Ragnarök

    Ég verð að segja að þegar ég sá fyrir mér ragnarök var það ekkert í líkingu við þetta

  • Bugun

    Klukkan er 7.33. Úti geisar snjóbylur. Vetrarfrí í skólanum. Leikskólaverkfall. Ég svaf í 4 tíma.

    Börnin mín þrjú — sem verða heima með mér í allan dag — eru að reyna að ræða við mig um holur í plottinu í Hvolpasveit


    Klukkan er 11.41. Börnin eru langt komin með að klára nammið sem þau betluðu á öskudag. Ég er að reyna að vinna, þarf að skila nokkrum verkefnum í dag.

    Börnin eru að spila Mariah Carey jólalög ?

  • 17 sinnum

    Heilsufarsskoðun í vinnunni í dag, sem þýðir að ég er 17 sinnum lengur en venjulega að aflæsa símanum

  • D-vítamín

    Ég: Skil ekki alveg hvernig ég gat endað með alvarlegan d-vítamínskort þegar ég er bara frekar duglegur að taka lýsi ?

    Líka ég: Ó

  • Sjáðu

    Barn: *horfir á einhverja þrautleiðinlega bíómynd* „Sjáðu pabbi, pabbi sjáðu!“

    Pabbi: *horfir*

    B: „Sjáðu pabbi, pabbi sjáðu!“

    P: *horfir*

    B: „Sjáðu!“

    P: *blikkar*

    B: „PABBI! HORFÐU ALLAN TÍMANN!“

  • Týrant

    Sonur/ Týrant: „Pabbi, possasei!“

    Pabbi: *stendur upp til að ná í fjarstýringu og kveikja á Hvolpasveit*

    P: *reynir að setjast í sófann aftur*

    S/T: „Nei, ekki sitja sona! Sitja sona!“ *bendir á gólfið*