Blog

Í dag er ég í bol sem dætur mínar gerðu og gáfu mér í morgun af því ég á afmæli (nema á mínum aldri er eiginlega meira viðeigandi að segja gammæli en afmæli)

Já, ég er orðinn gamall. En í dag ég er soldið góður með mig. Rogginn. Allt að því drýldinn, því í gær gerði ég svolítið sem ég hef mögulega aldrei gert áður. Ég „hljóp“* í 20 mínútur. Í einu. SAMFLEYTT! Ég „hljóp“ 20 mínútur og það tók 20 mínútur, en ekki fjögur ár!

*Kannski segir það eitthvað um „hlaupa“stílinn hjá mér að á sunnudaginn kom maður á bíl þar sem ég „hljóp“ eftir Brautarholtsveginum. Hann stöðvaði bílinn, skrúfaði niður rúðuna, spurði hvort ég væri að hlaupa og bauð mér svo far